Badatoz Ttakun Kultur Elkartearen udalekuak! Martxoarekin batera iritsi da udalekuetan izena emateko epea! Ttakun KEtik herriko txikiei zein gazteei aisialdi eskaintza zabaldu nahi diegu, euskaraz! Eskaintza erakargarria osatu dugu uda honetarako. Lau txanda izango dira aurten ere, lau abentura! LH3-LH4koak Atxondora (Bizkaia) joango dira zortzi egunetarako; LH5-LH6koak, Donemiliagara (Araba) hamar egunez; DBH1-DBH2koen plana Albeizko aterpetxea + ibiltaria izango da, 11 egunetarako; eta, azkenik, DBH3-DBH4ko gazteak Bizkaiko kostatik ibiltaria + Loiolako aterpetxea egingo dituzte, 11 egunez. Orrialde honetan aurkituko dituzu eskaintza horri dagokion informazioa zein izena emateko bidea. Izen ematea MARTXOAREN 20an irekiko da, astelehenarekin, webgune honetan bertan eta maiatzaren 8an bukatuko. Lehentasuna izango dute Gazte Kluba eta Kuadrillategiko erabiltzaileek (%40eko asistentziarekin), iaz udaleku itxietan aritutakoek eta bazkideen seme-alabek. Martxoaren 22ra arte (egun hori barne) izango dute horiek izena emateko aukera.