Martxoarekin batera iritsi da udalekuetan izena emateko epea! Ttakun KEtik herriko txikiei zein gazteei aisialdi eskaintza zabaldu nahi diegu, euskaraz! Eskaintza erakargarria osatu dugu uda honetarako. Lau txanda izango dira aurten ere, lau abentura! LH3-LH4koak Atxondora (Bizkaia) joango dira zortzi egunetarako; LH5-LH6koak, Donemiliagara (Araba) hamar egunez; DBH1-DBH2koen plana Albeizko aterpetxea + ibiltaria izango da, 11 egunetarako; eta, azkenik, DBH3-DBH4ko gazteak Bizkaiko kostatik ibiltaria + Loiolako aterpetxea egingo dituzte, 11 egunez.
TXINTXARRI aldizkarian eman dugu udaleku itxien berri, KONTRAZALEAN
Esan bezala, izen ematea datorren astelehenean irekiko dugu, hilak 20, webgune honetan bertan; azken eguna maiatzaren 8a izango da. Lehentasuna izango dute Gazte Kluba eta Kuadrillategiko erabiltzaileek (%40eko asistentziarekin), iaz udaleku itxietan aritutakoek eta bazkideen seme-alabek. Martxoaren 22ra arte (egun hori barne) izango dute horiek izena emateko aukera.