COVID-19ak eragindako egoera tarteko, Lasarte-Oriak ezingo ditu Sorgin Jaiak ohi bezala ospatu aurten ere, baina antolatzaileak ez daude geldirik, eta egitarau "xume" baten bitartez, "herria koloreztatzen" jarraituko dute eta kulturaren alde egingo dute. Azpimarratu dute datozen egunetan burutuko dituzten ekintzetan "segurtasun neurri oro" errespetatuko dutela.
SORGIN JAIAK 2021
Musikak sorgindutako arratsaldea
2021 eka 27 Kultura
Egun sorgindua izan da igandea Sorgin Jaiaken egitarauan eta musika izan du protagonista. Oriarte BHI Landaberri eraikineko patioan kontzertu akustikoa eman dute Amane Otaegi eta Irati Hernandezek, Xuar Agirrek eta Jagoba Mendizabalek, eta Maialen Aristegik, bakarka. Joandako ia denek lurrean eserita edo etzanda entzun dituzte musikari gazteak eta txaloekin eskertu diete egindako lana.
