Aurtengo inauteriak apartekoak izango direla-eta, Ttakun KEk inauterietako lehiaketa antolatu du, TXINTXARRI aldizkariaren webgunearen bitartez. Urte berezia da, zalantzarik gabe, baina elkarteak inauterien izpirituari eutsi nahi dio. Umore ona eta irudimena sustatzea helburu, herriko bizilagunak gonbidatu nahi ditu Ttakunek, buruari eragin, eta mozorro original bat pentsa eta presta dezaten. Horrez gain, euren etxeetako leiho eta balkoiak apaintzera ere animatu nahi ditu elkarteak. Argazkiak TXINTXARRI aldizkariko webgunera igo edo 646 82 44 66 Whatsapp zenbakira bidali beharko dira otsailaren 11 eta 16a bitartean. Argazkiaren izenburuak mozorroarekin zerikusia izan behar du. Otsailaren 17tik 21era bozkatu ahal izango dira webgunean bertan. Epaimahaiaren erabakia, berriz, 2021eko otsailaren 22an jakinaraziko da.
'LasARTE-Oria' LEHIAKETA
Mozorro-lehiaketako irabazleak

Kultura

Ez gaitu ezustean harrapatu, baina, hala ere, nabarmentzeko modukoa da: lasarteoriatarrok artista hutsak zarete! Inauterietako argazki-lehiaketa antolatu dute Ttakun KEk eta TXINTXARRI aldizkariak, ospakizun egun horien giroa bizirik mantentze aldera. Albiste honetan jaso ditugu kategoria bakoitzeko irabazleak nortzuk izan diren. Zorionak guztioi, eta eskerrik asko parte hartzeagatik!

ARGAZKI LEHIAKETA
ARGAZKI LEHIAKETA