Agustin Valdivia alkateak, Euskara saileko zinegotzi Estitxu Alkortak eta Ttakun Kultur Elkarteko ordezkari Haritz Salaberriak eta Mikel Izquierdok ezagutarazi dituzte XI. Euskararen Maratoiaren egitaraua osatuko duten ekimenak.
Agerraldiari hasiera emateko alkateak hartu du hitza. Euskaraz mintzatu da, eta esan du iaztik buru-belarri lanean aritu direla antolatzaileak, eta oraindik orain horretan ari direla. Hala, gaineratu du maratoiko lantaldeek eta zortzikoteko kideek "ikaragarrizko lana" egin dutela aurtengo programazioa ahalik eta osatuena eta anitzena izan dadin. Hori horrela, antolakuntza eta prestaketan ri diren guztiei eskerrak eman dizkie.
Alkortak hartu du hitza gero eta hitzordu garrantzitsuaren egitarauaz mintzatu da. Hitzorduak xehe-xehe ezagutarazi arretik, ordea, azpimarratu du bi egunetan adin eta gustu guztietarako proposamenak izango direla; horien artean aipatu ditu txupinazoa, kalejira eta diana, ikastetxeen emanaldiak, azoka, txaranga, dantza emanaldia, bertsolaritza saioa, musika eta gaueko ekitaldiak.
Egitaraua, osorik
Urriak 17, larunbata
08:00etan, txupinazoa
08:15ean, hasiera ekitaldia
08:45ean, diana herriko kaleetan
09:05ean, herriko kultur-sortzaileen txokoa
09:15ean: txokolate-jana
10:05ean, ikastetxeetako emanaldia
11:30ean, baserritar eta sortzaileen azokaren irekiera
13:00etan, Arranopola txaranga
13:00etan, Aristerrazu Txiki (Kale Nagusian)
14:30ean, bazkaria
14:40ean, Emakume Etxea
14:45ean, Transmaribibollo
15:00etan, haur jolasak
15:15ean, euskaltegietako ordezkariak
15:45ean, musika eskolaren emanaldia
16:00etan, Zabaletako dantzak
16:15ean, Kukukako haurrak
17:05ean, Takolo, Pirritx, Porrotx eta Marimototsen ekitaldia herriko elkarteekin
18:10ean, haur jaioberriei ongietorria
19:05ean, arraunlarien bandera astintzea
19:45ean, magia ikuskizuna
20:15ean, DJa (sorpresa)
21:00etan, afaria
21:15ean, Zein da gure palmondoa?
21:45ean, Alboka, Erketz, Zero Setteren ikuskizuna
22:30ean, Piztu! TB showa
08:00etan, txupinazoa
08:15ean, hasiera ekitaldia
08:45ean, diana herriko kaleetan
09:05ean, herriko kultur-sortzaileen txokoa
09:15ean: txokolate-jana
10:05ean, ikastetxeetako emanaldia
11:30ean, baserritar eta sortzaileen azokaren irekiera
13:00etan, Arranopola txaranga
13:00etan, Aristerrazu Txiki (Kale Nagusian)
14:30ean, bazkaria
14:40ean, Emakume Etxea
14:45ean, Transmaribibollo
15:00etan, haur jolasak
15:15ean, euskaltegietako ordezkariak
15:45ean, musika eskolaren emanaldia
16:00etan, Zabaletako dantzak
16:15ean, Kukukako haurrak
17:05ean, Takolo, Pirritx, Porrotx eta Marimototsen ekitaldia herriko elkarteekin
18:10ean, haur jaioberriei ongietorria
19:05ean, arraunlarien bandera astintzea
19:45ean, magia ikuskizuna
20:15ean, DJa (sorpresa)
21:00etan, afaria
21:15ean, Zein da gure palmondoa?
21:45ean, Alboka, Erketz, Zero Setteren ikuskizuna
22:30ean, Piztu! TB showa
Urriak 18, igandea
00:15ean, Elektropottotte
01.15ean, The Noise Markers
01:45ean, Inoiz baino alaiagoa izenen da! Erromeria eta bertsioak
03.15ean, Zu bai artista! eta ondoren DJ Malak-ias
08:05ean, gosaria
08:15ean, txistularien diana
08:30ean, zortzikotearen goizeko showa
09:05ean, Esnatu! kafe tertulia
11:30ean, Bizipoza azoka
11:30ean, Xumela
12:30ean, LOZETeko erraldoi eta buruhandiak
14:30ean, bazkaria
15:30ean, bertso finala
16:30ean, Oaintxe in deu showa
17:00ean, Bizipoza jaia
18:15ean, aitortza euskarara hurbildutako belaunaldiei
18:45ean, plaza-dantza
19:30ean, Samba badago
19:50ean, Aire Eire taldearen emanaldia
21:00etan, afaria eta afalondoa
22.05ean, Kukukaren urteurrena
23:05ean, afalostea
23:35ean, amaiera ekitaldia
00:15ean, Elektropottotte
01.15ean, The Noise Markers
01:45ean, Inoiz baino alaiagoa izenen da! Erromeria eta bertsioak
03.15ean, Zu bai artista! eta ondoren DJ Malak-ias
08:05ean, gosaria
08:15ean, txistularien diana
08:30ean, zortzikotearen goizeko showa
09:05ean, Esnatu! kafe tertulia
11:30ean, Bizipoza azoka
11:30ean, Xumela
12:30ean, LOZETeko erraldoi eta buruhandiak
14:30ean, bazkaria
15:30ean, bertso finala
16:30ean, Oaintxe in deu showa
17:00ean, Bizipoza jaia
18:15ean, aitortza euskarara hurbildutako belaunaldiei
18:45ean, plaza-dantza
19:30ean, Samba badago
19:50ean, Aire Eire taldearen emanaldia
21:00etan, afaria eta afalondoa
22.05ean, Kukukaren urteurrena
23:05ean, afalostea
23:35ean, amaiera ekitaldia
Horren guztiaren berria emanda, Alkortak agerraldia baliatu du oroitarazteko euskararen maratoia ez dela euskararen aldeko asteburu osoko festa huts bat: "Jarduera eta ekitaldi horiek guztiek urtean zehar, herrian, euskararen arloan programatzen denaren jarraipena izatea nahi genuke". Hori horrela, AROA marko estrategikoa ere ekarri du akordura: "Udaleko Euskara Zerbitzuaren eta herriko eragileen arteko lanketaren ondorio bat da, eta bertan biltzen dira 2026-2030 epealdian euskara sustatzeko eta indartzeko landuko diren programa eta ekintzak. Noski, horien artean dago, noski, euskararen maratoia antolatzea".
Hurrengo hizlariari hitza eman aurretik, esandako horiei jarraituta, igande goizean aurrera eramango den Esnatu! kafe tertuliaz solastatu da. Nabarmendu du euskaraz hausnarketa egiteko tartea izango dela: "Herritar guztiok dugu euskararekin esperientziaren bat edo beste, eta horietan oinarrituta, zenbait ondorio atera nahi ditugu gerora AROA marko estrategiko horretan landu eta sakontzeko". Hori horrela, herritarrak taldeka (lauzpabost pertsonakoak) parte hartzeko izena ematera animatu ditu. Inskripzio hori dagoeneko egin daitekeela ere iragarri du, eta horretara zein bide erabil daitezkeen ere bai: sarean, udalaren web atarian, eta aurrez aurre, berriz, udaleko Euskara Zerbitzuan edo Ttakun Kultur Elkartean.
Ttakun Kultur Elkarteko ordezkariak
Igandeko egitarauaren berri eman du Mikel Izquierdok Alkortarekin batera, eta, hain zuzen ere, egun horretan aurrera eramango den bertso finalari egin dio azpimarra berezia. Aipatu du urria hastearekin batera aurrera eramango diren hiru bertso saiori amaiera emateko hitzordua izango dela. Gaineratu du "berezia" izango dela, bertan arte hartuko dutenak ez direlako Earra bertso eskolako kideak soilik izango, bertako kide ez direnak ere ariko direla bertsotan.
Hitzartzea amaitzeko nabarmendu du bi egunetan zehar ia 4000 lagun igaroko direla oholtzatik.
Haritz Salaberriak, berriz, pare bat ohartarazpen egiteko baliatu du agerraldia. Lehenik eta behin, esan du egun seinalatu horietan herritarren laguntza beharrezkoa izaten dela. Horregatik, edozertan laguntza emateko prest dauden herritarrek dagoeneko zerrendatuta dauden zereginetan izen ematera deitu ditu. Horietan izena eman nahi dutenek datozen egunetan jaso ahal izango dute horren gaineko informazioa sare sozielen bitartez.
Bestalde, otorduen gainean mintzatu da. Iragarri du horietara joateko txartelak urriaren 6an, asteartearekin, jarriko dituztela salgai, Ttakun Kultur Elkartearen egoitzan. Prezioei eta jakiei dagokionez, berriz, ez du inolako informaziorik eman; hori datozen egunetan egingo dutela adierazi du.