Joan den urteko azaroan estreinatu zuten Gaua filma. XVII. mendean girotu du kontakizuna Urkijok: sorgin ehiza betean, Kattalinek ihes egingo du senarrarengandik eta bizitokitik. Basoan ezkutatu nahian ari dela sumatuko du norbait ari zaiola segika eta, bat-batean, hiru emakumerekin topo egingo du arropa ibaian garbitu bitartean. Herriko istorio beldurgarriak kontatuko dizkiote; ohartzerako, kontakizun horien parte bilakatuko da.
Ikus-entzunezko horrek Goya sarietarako bi izendapen gehiago jaso ditu: makilajea eta ile apainketan, batetik, eta jantzitegiaren diseinuan, bestetik. Hilaren 23an herrian emango dute, kultur etxean, 20:00etan.
