Imanol Lizardi II. Bertso Astea hasi berri da, Garbitzailearena emanaldiarekin. Hiru protagonista igo dira Manuel Lekuona Kultur Etxeko oholtzara, eta eskolatik kanpo, ederki gozarazi dituzte bertaratu diren herriko ikastetxeetako ikasleak.
Saioari hasiera emateko, Lierni Rekondo eta Andoni Rekondo bertsolari gazteak agertu dira eszenatokira, kantuan egitera, baina gai jartzailerik, ordea, ez. Lan horiek egingo zituen norbaiten beharra zutela adierazi diete ikus-entzuleei, eta halako batean, horretan aritzeko gogoa agertu du norbaitek: Gartxot garbitzaileak. Ederki aritu da zeregin horretan. Tarteka ikusle gaztetxoen laguntza ere izan du, gainera, eta denek elkarrekin kanturako gai dibertigarri bezain jostariak proposatu dizkiete bertsolariei.
Herriko gaztetxoak bertsolaritzara gerturatzeko saio ganberro eta atsegina izan da.
