Ikasturte honetan aurrera eramango duten hirugarren jardunaldia izango da. Aurreko bietan heziketa eta euskararen egoera jorratu zituzten.
Borobilean Elkarteak iragarri du hilaren 27an aurrera eramango duela hurrengo hitzaldi-tertulia. 19:00etan izango da, ohi bezala, Oriarte Landaberri institutuan. 'Gerrak, arantzelak, injustiziak... birpentsatu dezagun mundua' lelopean egingo dute solasaldia eta bi aditu gonbidatuko dituzte: 'Berria' egunkariko kazetari Arantxa Elizegi eta nazioarteko analista Txente Rekondo. Bertaratzen den norbaitek hala beharko balu, unean bertan saioa gaztelaniara itzultzeko zerbitzua emango dutela jakinarazi dute antolatzaileek.
