Bihar, Oiaso Boskoteak euskal musikan oinarritutako kontzertua emango du: Ez dago gure artean pestarik, musikarik gabe. Sarrera doakoa dela jakinarazi dute antolatzaileek.
Egun potoloa larunbata izango da. 10:00etan, diana egingo dute herrian barrena Hamaika Doinu Lasarte-Oriako Txistularien Taldeko kideek. 11:00etan, ospakizun erlijiosoa hasiko da. Elizbarrutiko gotzainak gidatuko du elizkizuna eta Alboka Abesbatzak, Donostiako Santa Maria Basilikako organista Ana Belen Garciak, Erketz EDTk eta Zero Sette Akordeoi Orkestrak parte hartuko dute.
