Herriko lagun kuadrilla batek Heriotzaz Bizitzatik ekimena jarri du martxan, heriotzaren gaiak tabu izateari utzi eta normaltasunera pasatzeko nahiak hauspotuta. Bi jarduera irekirekin hasiko dute ibilbidea. Aurrenekoa bihar izango da, Ttakunenea elkartean (Iñigo de Loiola kalea, 6), 18:00etatik aurrera: kafe baten bueltan aterako dute heriotzaren gaia, Nere Erkiaga adituarekin batera. Antolatzaileek izena emateko eskatu diete interesa dutenei, 672 21 29 60 telefono zenbakira deitu edo idatzita (WhatsApp).
Ekainaren 4an aurrera eramango dute bigarren jarduera: bizi testamentua nola egin ikasteko tailer bat antolatu dute, Duintasunez Hiltzeko Eskubidea-rekin batera, 18:00etan, Antonio Mercero aretoan.
Azken asteetan heriotzaren gaiari buruzko ekimen interesgarriak egin dituzte, hala nola Borobilean Elkartearen mahai ingurua edota Eli Elizegi eta Iñigo Suberbiola osasun langile lasarteoriatarren hitzaldia.
2025 ots 27 Gizartea
2025 api 03 Gizartea