Manoli Zumeta Egia, Haizea Arbizu Moriana, Mari Jose Eizmendi Tapia, Nahia Urdalleta Azpiolea, Itziar Iartza Etxenike eta Amaiur Izagirre Larruskain izango dira hizlariak eta Borobileaneko kide Ixiar Arteagak moderatuko du solasaldia. Horrez gain, gonbidatu berezi batek parte hartuko du, Gregok.
Emakumearen Nazioarteko Egunaren bezperetan, hitzaldi bat antolatu dute Borobilean Elkarteak eta Asunak talde feministak. Bi belaunalditako sei emakume elkartu eta gai askori buruz hitz egiten jarriko dituzte: sexualitatea, soldatapeko lana, zaintza, feminismoa eta beste hainbat. Oriarte Landaberrin izango da solasaldia, 19:00etan.