Udaleko Berditasun teknikari Irati Olaetxea eta Maite Iglesiasek, Gizarte Zerbitzuetako zinegotzi Lourdes Acevedok eta Agustin Valdiviak aurkeztu dute aurtengo egitaraua. Antolatutako ekimenetan parte hartzera deitu dituzte herritarrak.
Egitaraua
- Martxoaren 1etik 8ra, Emakumearen Zentroan, 18:00etatik 20:00etara: Martxoaren 8ko kartel lehiaketaren erakusketa.
- Martxoaren 7an, Emakumearen Zentroan, 17:00etan: Martxoaren 8ko kartel lehiaketaren sari banaketa.
- Martxoaren 8an, Okendo plazan, 12:00etan: elkarretaratzea.
- Martxoaren 8an, kultur etxean, 19:30ean: Escuela de princesas antzezlanaren emanaldia egingo du Makelur taldeak. Sarrera doakoa da.
- Martxoaren 8an, Casa Humada jatetxean, 21:30ean: emakumeen afaria. Emakumaren Zentroan izena eman behar dute joan nahi dutenek, 30 eurogatik.
- Martxoaren 11n, Antonio Mercero aretoan, 18:30ean: Soilik bai da bai legeari buruz solastuko dira EHUko ikertzaile eta legelari Sara Arruti Benito eta EHUko ikertzaile eta kazetari Maider Galardi Fernandez de Agirre lasarteoriatarrak, gaztelaniaz.
- Martxoaren 12an, Antonio Mercero aretoan, 18:30ean: Irakurle Txokoko kideek Idoia Garzes idazle lasarteoriatarra gonbidatuko dute euren saiora.
- Martxoaren 13ean, Biyak Bat egoitzan, 17:00etan: bideoforum bat egingo dute.
- Martxoaren 15ean, Antonio Mercero aretoan, 19:30ean: Evaren Alabak taldeak Cromlech antzezlanaren emanaldia egingo du, elebitan. Sarrera doakoa da.
- Martxoaren 19an, Antonio Mercero aretoan, 18:30ean: Izan Iñurri elkartearen (Min)bizi podcasteko Minbiziaren ama umeak kapitulua proiektatuko dute eta solasaldi bat egin gero.
- Martxoaren 20an, Udal Liburutegian, 17:00etan: 6 eta 8 urte arteko umeentzat Berdintasunean irakurketarekin jolastuz saioa egingo dute. Tokiak mugatuak direla ohartarazi dute antolatzaileek eta izen ematea liburutegian bertan egin behar dutela parte hartu nahi dutenek.
- Martxoaren 21ean, Mirentxun, 18:00etan: Nola hobetu Lasarte-Oriako emakumeon bizitza? lan saio parte hartzailea aurrera eramango du Emagin elkarteak, elebitan.
- Martxoaren 22an, kultur etxean, 20:00etan: Al descubierto filma emango du Okendo Zinema Taldeak. Sarrerek 6 euro balio dute.