Formol Laborategiak 'Album' lana ekarriko du herrira

Argazkia: Formol Laborategia.

Formol Laborategiak Album antzezlanaren emanaldia egingo du datorren asteko larunbatean, hilak 12, Manuel Lekuona Kultur Etxeko auditorioan, 20:00etan. Intza Alkain lasarteoriatarra da antzezleetako bat. Taldeak iragarri du sarrerak eros ditzaketela honezkero herritarrek, Kutxabank Sarrerak atarian edo kultur etxeko leihatilan bertan. 6 euro balio dute.

Sinopsia 

Zer egiten du ostruka batek arrainontzi batean?

Ba al dago denon bistan egon eta ezkutatzea baino gauza miserableagorik?

Derrigorrezkoa al da belaunaldi bat hiltzea hura omendu ahal izateko?

Asko hitz egin izan da gazteoi buruz. Millennialok oinordetzan hartutako erantzukizunak kudeatu ezinean gabiltzanaren diagnosia jaso dugu. Ondorengo hitzekin definituak izan gara: infantilak, prekarioak, frustrazioari intoleranteak, grinarik gabeak, bizitzan galduak, gainformatuak. Ados, sintomatologia guzti hori geure gainean zamatuko dugu. Gure belaunaldiaren etiketen jabe bihurtuko gara.

Baina zer daukagu guk esateko?

Zer espero da gutaz?

Nor gara gu?

Ikerketa hau ez da autopsia bat, ez da erretratu bat, ez da selfie bat. Formol Laborategiaren lehen Albuma da.

Ongi etorri gure kaiolara.

 

Erlazionatuak

Intza Alkain: "Publiko gaztea antzokietara erakarri nahi dugu"

Elkarrizketak

Duela urte bete, Aste Santuan zehazki, Intza Alkain lasarteoriatarrak, Edurne Azkaratek eta Mikel Ibargurenek Artedramak Aulestin antolatutako Topa...
Azaroko kultur agenda ekitaldiz betea dator

Kirola

Antzerkia, zinea, musika, sari banaketak... denetarik izango da Lasarte-Orianazaroan zehar. Agustin Valdivia alkateak eta Juantxi Ugarte kultura te...