Trikipoteoan ibili dira gero. Euria medio, Okendo plazatik Ilargi taberna pareko arkupeetara lekualdatu dute hitzordua. Gazteak bildu dira musikarien inguruan, eta dantzan aritu dira afaltzera joan aurretik. Malakias eta Maixaren kontzertuaz gozatuko dute bigarren parranda gauean. Gauerdirik aurrera Malakias eta Maixaren kontzertuaz gozatuko dute.
Lortu dute iparra ez galtzea
Orientazio jolasekin hasi du arratsaldea Sorgin Jaiak-ek: partaideak iparra ez galtzen saiatu dira, bigarren parranda egunerantz norabide ona hartzeko, eta bete-betean asmatu dute. Azkar batean amaitu dute saioa, hain azkar, ezen TXINTXARRI-ko kazetaria ez dela garaiz iritsi jolasean ari ziren bitartean argazkiren bat edo beste egitera. Lau talde aritu dira elkarren artean lehian, eta horietako bat izan da garailea
