Inurriak batu dira aurtengo sorginkeriara

Hasi dira Sorgin Jaiak ere. Urtero izaten dira bereziak, baina aurtengoak, are bereziagoak: 20 urte bete dituzte herriko festa alternatiboek. Izan Iñurri elkartea omendu dute aurten; lehendik jakinarazi zieten antolatzaileek, baina jaso dute sorpresarik gaur arratsaldeko ekitaldian: hainbat lagunek zapi koloretsuekin prestatutako koreografia ederra. Suziria jaurti aurretik, Kukuka eskolako dantzari talde batek ere emanaldia egin du. Etxafuegoa lehertu ostean hasi dira algaraka sorgin eta aztiak.