Osasun agintariak datuak herriz herri xehatuta ematen hasi zirenetik, gure herrian 5.373 kutsatze atzeman dituzte. Birusak infektatu dituen herritar ia guztiak sendatu badira edo bidean badaude ere, zoritxarrez, 24k ezin izan dute osatu eta hil egin dira. Oraingoz, aurtengo urtarrila izaten ari da kasu gehien atzematen ari diren hilabetea: hilaren 30era arte, 2.098 positibo.
Eskualdeko sei udalerrietan 768 kasu diagnostikatu dituzte azken lau egunetan: 204 Hernanin, 163 Lasarte-Orian, 130 Andoainen, 117 Astigarragan, 85 Usurbilen eta 69 Urnietan.
