COVID-19

Antigeno test bat egiteko urratsak azaldu dizkigute De Miguel farmaziako langileek

Azken asteetan, herritar askok eta askok egin behar izan ditugu antigeno testak gure etxeetan, gertukoek positibo eman dutelako, bazkari edo afari berezien aurretik birusa dugun ala ez jakiteko, ingurukoak babesten saiatzeko... Farmazietan proba horiek erosi eta gero, ordea, ohikoa da jarraibideak irakurrita ere zalantzak izatea. De Miguel farmaziako langileengana jo du TXINTXARRI-k, gisa horretako test bat nola egin behar den jakiteko. 

Maialen de Miguel botikariak eman ditu probari buruzko jarraibideak, zehaztasunez eta pazientziaz. TXINTXARRI-ko kazetarietako bat aurkeztu da proba egiteko boluntario, eta zorionez, negatibo eman du. Grabaketa bukatu eta gero, farmazialariak zehaztu du hondakinak errefusa biltzeko edukiontzira bota behar direla.