Osasun agintariak datuak herriz herri xehatuta ematen hasi zirenetik, koronabirusak kutsatutako 2.591 lasarteoriatar atzeman dituzte, ehun biztanletik hamahiru. Gehien-gehienak sendatu badira ere, zoritxarrez, 24k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.
Beterri-Buruntza mankomunitatea osatzen duten udalerrietan 205 positibo diagnostikatu dituzte astelehenetik asteazkenera: 73 Lasarte-Orian, 69 Hernanin, 36 Usurbilen, hamalau Urnietan, zazpi Astigarragan eta sei Andoainen.
