Osasun agintariak datuak herriz herri xehatuta ematen hasi zirenetik, koronabirusak kutsatutako 2.518 lasarteoriatar atzeman dituzte, ehun biztanletik hamahiru. Gehien-gehienak sendatu badira ere, zoritxarrez, 24k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.
Beterri-Buruntza mankomunitatean 292 kutsatze zenbatu dituzte ostegunetik igandera: 82 Lasarte-Orian, 76 Hernanin, 49 Andoainen, Usurbilen 39, Urnietan 25 eta 21 Astigarragan.
