Osasun agintariak datuak herriz herri xehatuta ematen hasi zirenetik, koronabirusak kutsatutako 2.133 lasarteoriatar atzeman dituzte, ehun biztanletik 11 pasatxo (%11,2). Gehien-gehienak sendatu badira ere, zoritxarrez, 24k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.
Eskualdeko intzidentzia, jaisten
Koronabirusaren eragina apaltzen ari da Beterri-Buruntza osatzen duten herri guztietan. Urnieta zen eremu laranjan zegoen bakarra, baina asteazkeneko datuak eskuetan, hura ere gune horira igaro da.
EAEko hiru lurraldeetan 215 kutsatze berri diagnostikatu dituzte asteazkenean; horietatik 64, Gipuzkoan. 6.066 proba egin dira kasu positiboak hautemateko; positibo eman dute %3,5ek. Osakidetzako ospitaleetan 218 pertsona daude ingresatuta koronabirusagatik; larri daude horietatik 52, ZIU unitateetan. Irailaren 15ean 40 gaixo erietxeratu behar izan dituzte, gaixotasunaren sintomek okerrera eginda.
