COVID-19

Zortzi kasu baieztatu dituzte Lasarte-Orian astelehenean

Eusko Jaurlaritzako Osasun Sailak eta Osakidetzak uztailaren 19ko datu epidemiologikoak jaso dituzte, eta txostena argitaratu dute. Horren arabera, Lasarte-Orian zortzi positibo baieztatu dituzte, bezperan baino lau gehiago. Azken hamalau egunetan 94 kasu erregistratu dituzte; intzidentzia-tasa metatua 493,57 da.

Osasun agintariak datuak herriz herri xehatuta ematen hasi zirenetik, koronabirusak kutsatutako 1.852 lasarteoriatar atzeman dituzte, ehun biztanletik ia hamar (%9,7). Ia denak sendatu badira ere, zoritxarrez, 23k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.

Beterri-Buruntza eskualdeko herrietan 28 kutsatze detektatu dituzte astelehenean: bederatzi Astigarragan, zortzi Lasarte-Orian, bost Andoainen, hiru Hernanin, bi Urnietan eta bat Usurbilen. Azken udalerri hori izan ezik, gainontzeko guztiak eremu gorrian daude.

EAEko hiru lurraldeetan 1.314 kutsatze atzeman dituzte uztailaren 19an; horietatik 440, Gipuzkoan. 11.944 PCR eta antigenoen proba egin dira kasu berriak atzemateko, eta positibotasun-tasa %11 izan da. Osakidetzako ospitaleetan 218 paziente daude ingresatuta; horietatik 44 larri daude, ZIU unitateetan. Astelehenean 48 gaixo erietxeratu behar izan dituzte koronabirusagatik.

Erlazionatuak

Hamabost kasu baieztatu dituzte Lasarte-Orian asteburuan

Gizartea

Eusko Jaurlaritzako Osasun Sailak eta Osakidetzak uztailaren 16tik 18ra arteko datu epidemiologikoak jaso dituzte, eta txostena argitaratu dute. Ho...
Larunbatean 340 kutsatze baieztatu dituzte Gipuzkoan

Gizartea

Osakidetzak eta Eusko Jaurlaritzako Osasun Sailak koronabirusaren hedatzeari buruzko datuak eguneratu dituzte. Atzo, Euskal Autonomia Erkidegoan 8....