COVID-19

Hamabost kasu baieztatu dituzte Lasarte-Orian asteburuan

Eusko Jaurlaritzako Osasun Sailak eta Osakidetzak uztailaren 16tik 18ra arteko datu epidemiologikoak jaso dituzte, eta txostena argitaratu dute. Horren arabera, Lasarte-Orian hamabost kutsatze baieztatu dituzte asteburuan. Azken hamalau egunetan 90 positibo erregistratu dituzte gure herrian; intzidentzia-tasa metatua 472,56 da, eta herria eremu gorrian dago.

Osasun agintariak datuak herriz herri xehatuta ematen hasi zirenetik, koronabirusak kutsatutako 1.844 lasarteoriatar atzeman dituzte, ehun biztanletik ia hamar (%9,7). Ia denak sendatu badira ere, zoritxarrez, 23k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.

Beterri-Buruntzako herrietan 71 kasu detektatu zituzten iragan asteburuan: 25 Hernanin, hamazazpi Andoainen, hamasei Lasarte-Orian, zortzi Urnietan, lau Astigarragan eta bakarra Usurbilen.

Erlazionatuak

Larunbatean 340 kutsatze baieztatu dituzte Gipuzkoan

Gizartea

Osakidetzak eta Eusko Jaurlaritzako Osasun Sailak koronabirusaren hedatzeari buruzko datuak eguneratu dituzte. Atzo, Euskal Autonomia Erkidegoan 8....
Koronabirusaren 1.177 kutsatze baieztatu dituzte EAEn; 421, Gipuzkoan

Gizartea

Osakidetzak eta Eusko Jaurlaritzako Osasun Sailak koronabirusaren hedatzeari lotuta atzo batutako datuak ezagutarazi dituzte eguerdian. Euskal Auto...