Osasun agintariak datuak herriz herri xehatuta ematen hasi zirenetik, koronabirusak kutsatutako 1.721 lasarteoriatar atzeman dituzte, ehun biztanletik bederatzi (%9). Ia denak sendatu badira ere, zoritxarrez, 23k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.
Lau positibo eskualde osoan
Beterri-Buruntza osatzen duten sei herrietan lau kutsatze baieztatu dituzte asteburuan: Hernanin hiru, eta bat Astigarragan. Andoain eta Hernaniko intzidentzia-tasa metatuak dira apalenak; eremu berdean daude bi udalerri horiek. Astigarraga, Lasarte-Oria, Urnieta eta Usurbilgo intzidentziak jaisten ari dira, baina eremu horian daude oraindik, 60 baino altuagoak direlako.
