Datuak herriz herri xehatuta ematen hasi zirenetik, koronabirusak kutsatutako 1.699 lasarteoriatar atzeman dituzte, ehun biztanletik ia bederatzi (%8,9). Ia denak osatu badira ere, zoritxarrez, 23k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.
Beterri-Buruntza eskualdeko udalerrietan hamabost positibo erregistratu dituzte ekainaren 4tik 6ra: bost Lasarte-Orian, hiruna Hernanin eta Usurbilen, bi Andoainen eta bana Astigarragan eta Urnietan. Eremu horian jarraitzen dute guztiek.
