Udal-tasak bertan behera uzteaz gain, Saenzek udal gobernuari eskatu dio dirulaguntzen lerroa handitzeko, eta ekipamenduan inbertsioak egin izanaren baldintza bertan behera uzteko. "Eskuzabaltasuna eskatzen du ostalaritzak, eta baldintzarik gabeko laguntza eman behar zaio".
Enpleguaren galera
Gipuzkoa mailako zenbait datu eman ditu Saenzek. "2021. urtea hasi zenetik, ostalaritzaren sektoreko lanpostuen %10 eta %12 artean galdu dira, 2020ko urte-tarte berarekin alderatuta". Lurralde historiko horretan 8.673 behargin daude ABEE espedientearekin.
Tabernarien errealitatea "zaila" dela azpimarratu du Lasarte-Oriako PPko bozeramaileak, herriko aktibitate ekonomikoaren %61 delako zerbitzuen sektoreari dagokiona. "Familia horietako askoren diru-sarrerak ostalaritzatik datoz esklusiboki".