Beterri-Buruntza eskualdeko herrietan 36 positibo diagnostikatu dituzte maiatzeko azken asteburuan: hamabi Andoainen, hamarna Hernanin eta Lasarte-Orian, hiru Usurbilen eta bat Astigarragan. Urnietan, berriz, kasu bakar bat ere ez dute atzeman hiru egun horietan. Aipatutako sei udalerri horiek eremu horian jarraitzen dute, 60 eta 299 arteko intzidentzia-tasa metatuekin.
Eusko Jaurlaritzako Osasun Sailak eta Osakidetzak maiatzaren 28tik 30era bitarteko datu epidemiologikoak jaso ditu txosten batean. Horren arabera, Lasarte-Orian hamar kutsatze detektatu dituzte ostiraletik igandera: zazpi, bat eta bi, hurrenez hurren. Hilabete honetan 115 kasu erregistratu dituzte, oraingoz, gurean. Intzidentzia-tasa metatua 215,28 da.
