Osakidetzak eta Eusko Jaurlaritzako Osasun Sailak eguneratu egin dituzte koronabirusaren hedatzeari buruzko datuak. Horien arabera, Euskal Autonomia Erkidegoan ostiralean aurrera eramandako 7.708 proba diagnostikoetako 390 positiboak izan ziren, hau da, %5,1. Kutsatu berrietako 133 Gipuzkoan antzeman zituzten, 204, Bizkaian, eta 45, Araban. Horiez gain, beste erkidego edo tokitako zortzi gaixo ere erregistratu zituzten. Ospitaleei dagokienez, COVID-19ak eragindako 33 lagun ospitaleratu zituzten atzo eta 101 daude ZIUetan.