Osakidetzak eta Eusko Jaurlaritzako Osasun Sailak jakinarazi dutenez, larunbatean, 6.008 proba diagnostiko gauzatu zituzten Euskal Autonomia Erkidegoan, eta haietako 306 positiboak izan ziren. Hortaz, gaur-gaurkoz positibo tasa %5,1 da. Kasu berrietako 93 Gipuzkoan atzeman zituzten; 165, Bizkaian; 47, Araban; eta beste jatorri edo erkidego bateko kutsatu bat ere erregistratu zuten. Horrez gain, atzo, koronabirusak eragindako 27 pertsona ospitaleratu zituzten eta 99 gaixo daude ZIUetan.