Datu ofizialen arabera, 2020ko martxotik gaur arte 1.654 lasarteoriatar kutsatu ditu COVID-19ak, biztanleriaren %8,6. 22 pertsonak ezin izan dute gaixotasuna gainditu, eta zendu egin dira. Intzidentzia gehieneko hilabetea iazko azaroa izan da; 275 kutsatze zenbatu zituzten.
Beterri-Buruntza eskualdeko sei herrietan hogei positibo detektatu dituzte maiatzaren 21etik 23ra: sei Lasarte-Orian, launa Astigarragan eta Urnietan, hiruna Andoainen eta Hernanin, eta bakar bat ere ez Usurbilen. Udalerri guzti horiek eremu horian daude, 60 eta 299 arteko intzidentzia-tasa metatuarekin.
