Bere jabetzakoak diren ikastetxeen eraikinetan inbertsioak egin nahi ditu Lasarte-Oriako Udalak. Zentroetako zuzendaritza-taldeekin eta guraso-elkarteekin adostu ditu egitasmoak, eta Eusko Jaurlaritzaren Udal-laguntzak programara aurkeztu, erakunde horrek lanen %60 (751.974 euro) finantza dezan. Gainontzekoa Udalak jarriko luke, 1.212.350 eurora iritsi arte.
Agustin Valdivia alkateak jakinarazi duenez, Eusko Jaurlaritzak oraindik ez du jakinarazi zenbat diru bideratuko duen herriko ikastetxeen lanetara, baina, ondo bidean, Udal-laguntzak programara aurkeztutako egitasmoaren %60 finantzatuko luke, eta %40 Lasarte-Oriako Udalak. 2021etik 2023ra bitarteko inbertsio-plan horretako esku-hartzeak zentroetako zuzendaritzarekin eta guraso-elkarteekin adostu dituzte. Hauek dira:
2021. urtea
| Ikastetxea |
Inbertsioa |
Kostu ekonomikoa |
| Sasoeta |
Sarrera berria, eremu baten berrurbanizazioa eta alarma |
272.945€ |
| Zumaburu |
Alarma |
5.000€ |
| Garaikoetxea |
Alarma |
5.000€ |
| Landaberri |
Asfaltatzea, karpa, zelaiaren erreformak eta alarma |
203.141€ |
2022. urtea
| Ikastetxea |
Inbertsioa |
Kostu ekonomikoa |
| Sasoeta |
Administrazioko eraikinaren eta gimnasioaren fatxada eta estalkia |
232.151€ |
| Zumaburu |
Hesia aldatzea eta lurzorua leuntzea |
22.379€ |
| Garaikoetxea |
Hesia aldatzea eta HH2ko haurrentzako eremua estaltzea |
68-063€ |
| Landaberri |
Ateak eta zokaloak aldatzea |
45.378€ |
2023. urtea
| Ikastetxea |
Inbertsioa |
Kostu ekonomikoa |
| Landaberri |
Fatxada eraberritzea |
358.293€ |
Lanak egiteko beharrezko dirua lortuz gero egingo lirateke lan horiek guztiak. Landaberrin 606.812 euro inbertituko lirateke, Sasoetan 505.096 euro, Garaikoetxean 78.063€ eta Zumaburun 27.379€. "Aurreko legealdian erabat berritu genuen Zumaburuko eraikina, eta, horregatik, apenas egingo den inbertsio berririk eraikin horretan", nabarmendu du Valdiviak.
