Lerro hauen azpikoaren gisako bertsoak irakurri ahal izango dituzue datozen hilabeteetan, herriko Earra! bertso eskolan aurtengo ikasturtean errimekin, doinuekin, hitzekin eta euskararekin lanean eta jolasean ari diren ikasle finen eskutik. Eskolak eta TXINTXARRI-k martxan jarritako egitasmo honen helburua da kulturari leiho bat zabaltzea.
Oraingo honetan, LH 6. mailako taldeak prestatu du bertsoa, otsailekoa. Kimetz, Leire, Luken eta Oier izan dira egileak.
Doinua: Zer da gaur Donostian
Robota, pailazoa,
kiwia, sorgina...
mozorroz estalita
aurtengo ezina,
eskolan ospatzeko
zer nolako grina!
Nahiz eta ez den izan
betiko berdina;
guk disfrutatu dugu
urtero adina (bis).
2021 ots 26 Kultura