Horrekin batera, iragarri dute abenduaren 21ean, santomas egunean, ez dutela txistorrarik salduko euren negozioetan: "Gu laguntzarik gabe? Txistorrarik ez! Ez dugu ezer ospatzeko".
Ekainean onartu zuen Lasarte-Oriako Udalak terrazen tasari %100eko hobaria aplikatzea. Hobaria behin betiko onartuta, dagoeneko tasa ordainduta zeukatenei diru kopurua itzuli egingo ziela jakinarazi zuen udalak orduan: "Neurri hori 56 establezimenduren espazio okupatua handitzeko eskariak aintzat hartuz egindako ahaleginari gehitzen zaio". Lasarte-Oriako Ostalaritzak salatu duenez, ordea, hobari horri dagokion dirua ez dute jaso oraindik tabernariek.