Protesta ekintzak antolatzen jarraitzen dute Lasarte-Oriako ostalariek. Hurrengo hitzordua abenduaren 8an jarri dute, asteartearekin, 11:00etan. Kotxerasetik aterako dira, Urbarteraino joan, eta Andatza plazan amaitu, hitzaldi bat ere eskainiz. Herritarrei parte hartzeko deia egin diete, eta, batez ere, "hainbat urtez" taberna eta jatetxeekin elkarlanean aritu diren Lasarte-Oriako elkarteei. Manifestazioarekin bat egin nahi duten eragileei eskatu diete 677 32 86 09 telefonora idatzi edo deitzeko; antolatzaileek non kokatu behar dieten jakinaraziko diete.
Norbanakoez gain, ostalariek nahiko lukete abenduaren 8ko mobilizazioarekin bat egitea kirol taldeek, elkarte gastronomikoek, merkatariek, eragile sozial eta kulturalek... Elkarteek erabili ohi dituzten arropekin joatera gonbidatzen dituzte; ostalariek babestutako kamisetekin, esate baterako. Bestelako tresna batzuk ere eraman ahalko dituzte; hala nola, bizikletak, patinak edo musika tresnak.
2020 aza 22 Ekonomia
2020 aza 14 Ekonomia
