Promozioko buruz buruko finalera sailkatu da Arteaga II.a

Axier Arteaga herritarrak bigarrenez jokatuko du final handia. Argazkia: Baiko pilota.

Axier Arteaga lasarteoriatarra Promozioko buruz buruko txapela bigarrenez janzteko lehiatuko da datorren asteko larunbatean, azaroak 28, Iruñeko Labrit pilotalekuan. Finalerdietan 22-15 irabazi dio Salaberriari; lehen atsedenaldi luzearen ostean hautsi du partida Baiko enpresako aurrelariak.

Salaberria finago aritu da aurreneko tantoetan, baina bi pilotariek atseden hartzera eseri direnean Arteaga II.a zihoan aurretik, 12-11. Kantxara itzultzean, lasarteoriatarrak joko-maila ederra erakutsi du eta hautsi egin du partida. Gero eta alde handiagoa hartu du markagailuan, 22. tantora iritsi arte. Hamabost egin ditu Salaberriak. 

Arteaga II.ak bigarren aldiz jokatuko du Promozioko buruz buruko finala, datorren asteko larunbatean, azaroak 28, Iruñeko Labrit pilotalekuan. Elordi edo Egiguren V.aren aurka neurtuko ditu indarrak.

2017. urtean jantzi zuen txapela estreinakoz, Bakaikoari 22-18 irabazita. Urte bikaina egin zuen herritarrak, hilabete batzuk lehenago Promozioko binakakoa irabazi zuelako Erasunekin batera. 

Erlazionatuak

Txapela janzteko moduko finala (22-18)

None

Axier Arteagak egurrean jarraitzen du 2017an. Promozioko binakako txapela irabazi eta hilabete t'erdira, buruz burukokoa jantzi zuen atzo Iruñeko L...
Axier Arteagak promozio mailako buruz buruko lehen partida jokatuko du ostiralean

Kirola

Promozio mailako buruz buruko txapelketa aurkeztu da, gaur. Erasun, Urretabizkaia II.a, Aranguren, Elordi, Zabala, Egiguren V.a, Salaberria eta Axi...