Beterri-Buruntza eskualdeko udalerri guztietan detektatu dituzte kutsatzeak asteazkenean: Andoainen, hemezortzi; Astigarragan, hiru; Hernanin, hogei; Lasarte-Orian, zazpi; Urnietan, hamabost; eta Usurbilen, bost.
EAEko hiru lurralde historikoetan 1.126 positibo detektatu dituzte PCR eta Antigeno proben bitartez, horietatik 564 Gipuzkoan. 16.701 eta 458 egin dituzte, hurrenez hurren.
Osakidetzaren zentroetan ospitaleratuta dauden pazienteen kopurua jaitsi egin da; asteazkenean, 385 izan dira. Horietatik 79 ZIU Zainketa Intentsiboko Unitateetan oheratuta daude. R0 edo birusaren oinarrizko birsorkuntza tasa 1,18koa izan da erkidegoan urriaren 28an, eta hiru ehuneko baxuagoa Gipuzkoan.
