Mugikortasunari eragiten dioten murrizketak oso zorrotzak izaki, apenas zegoen desberdintasunik eremu gorrian edo beste kolorekoren batean egon. Beste zenbait alorretan, ordea, neurri murriztaileagoak iragarri zituen Eusko Jaurlaritzak iragan asteko ostiralean, urriak 23. Atzo arratsaldean zehaztu zuenez, indargabetu egin ditu, eta semaforo gorria piztuta duten udalerriek –Lasarte-Oria da horietako bat– ez dituzte bete beharko.
Tabernak eta jatetxeek 23:00etan itxi beharko dute, eta ez 21:00etan, aurreko ostiralean iragarri bezala. Koktelak eta buffetak egitea posible izango da baina taldeak sei pertsonakoak badira gehienez. Hurrengo eguneko goizeko seiak arte itxita egon beharko dute. Gainontzeko komertzioen itxiera-ordua ere ez da 21:00etan izango.
