Covid-19aren bulegoak 47 laguntza eskaera onartu ditu bi astetan

Udal ordezkariek Covid-19aren bulegoa bisitatu dute. Argazkia: Lasarte-Oriako Udala.

Lasarte-Oriako Udalak bulego berezi bat sortu du, koronabirusak eragindako egoeraren ondorioz "arazo ekonomiko handiak" dituzten familiei laguntzeko. Berriki 400.000 euroko diru-laguntza lerro bat iragarri du ABEE batean dauden pertsonei, langabezian geratu direnei eta alerta egoerak iraun bitartean "diru-sarrerak nabarmen" murriztu zaizkien autonomoei bideratuta. 99 eskaera tramitatu ditu, eta 47 onartu; 60.300 euro banatu ditu.

Covid-19aren bulegoak azken bi asteetan jaso dituen diru-laguntza eskaeren %47 onartu ditu: 99tik 47. Emango dituen laguntza horiek hiru hilabeterako izango dira, 300 eta 500 euro artekoak. Udalak jakinarazi duenez, hemezortziri ezetz esan diete, "eduki ditzaketen gehieneko diru-sarrerak gainditzen dituztelako eskatzaileek". Beste 34 kasuetan, eskatzaileek ez dute beharrezko dokumentazioa aurkeztu. 

Ukatutako kasuetatik, udal teknikariek zazpi eskatzaileri lagundu diete DSBE Diru-Sarrerak Bermatzeko Errenta tramitatzen, telematikoki. Beste zenbait pertsona, berriz, Gizarte Zerbitzuetara bideratu dituzte, beste diru-laguntza batzuk eskatu behar dituztelako: GLL Gizarte Larrialdietarako Laguntza, genero indarkeriaren biktima izateagatik eskatu daitekeena, e.a. 

Erlazionatuak

Familiei laguntzeko diru-laguntza lerro bat prestatu du Lasarte-Oriako Udalak

Lasarte-Oria

Diru-laguntza lerro bat aurkeztu du Lasarte-Oriako Udalak asteon, Covid-19ak eragindako egoeragatik "egoera zaurgarrian" dauden herritarrei laguntz...
Zeintzuk dira diru-laguntzen oinarriak eta baldintzak?

Lasarte-Oria

Lasarte-Oriako Udalak iragarri du laguntza lerro bat martxan jarri duela, koronabirusak eragindako egoeraren ondorioak pairatzen dituzten herriko h...