Maiatzaren 14an egingo duten Udaltopen hamabigarren edizioa "berezia" izango da. COVID-19ak eragindako osasun larrialdiak ohiko formatua moldatu beharra ekarri du. Aurtengo egitaraua goiz bakarrera mugatu dute, eta online izango da. Moldaketa horren "berezitasunak", ordea, "espektatibak goratu" dituela uste dute antolatzaileek: "Izen-emate datuek horrela egiaztatzen dute, hamar eguneko epean 300 lagunek eman dute izena, orain arteko kopururik altuena".
Bilakaera ikusita, izen-ematea maiatzaren 12ra arte luzatzeko erabakia hartu dute. Doakoa da, eta Udaltop online jarraitzeko pasahitzak jasotzeko beharrezkoa da formularioa aurrez betetzea.
Udaltop etxetik: ireki leiho bat lan-munduari da aurtengo ediziorako erabilitako leloa.
