Lasarte-Oriako Udalak iragarri du Kontent-Tu egitasmoaren barne-araudia osatzeko prozedura martxan jarri duela. Lehenengo urratsa izango da herritarrei eskatzea ekarpenak egiteko gai horren inguruan, parte-hartze prozesu baten bidez. Iritzia emateko azken eguna abenduaren 5a izango da, osteguna. Zenbait baliabide eskaini dizkie udalak lasarteoriatarrei, proposamenak egin ahal izateko: idatzi bat aurkeztu dezakete erregistroan; posta elektroniko bat bidali partehartzea@lasarte-oria.eus helbidera; edo http://www.lasarte-oria.eus/eu/partehartzea web orrialdean sartu eta bertan iritzia eman.
Iaz sortu zuen udalak Kontent-Tu zerbitzua. Helburua da herritarren zahartzaroa "ederra eta zoriontsua" bilakatzeko ohiturak sustatzea edo mantentzea.
