Osteguna, abenduak 10

18:00

Ipuinaren ordua

Kontukantoiko lagunek 4 eta 6 urte bitarteko gaztetxoen imajinazioa dantzan jarriko dute abenduaren 10ean, ostegunarekin, kultur etxeko kafetegian; 'Ipuinaren ordua' saioa eskainiko dute. Balio ugari lantzen dituzte saioetan: genero berdintasuna, esate baterako. Gonbidapenak Udal Liburutegian jaso daitezke honezkero.

18:30

Irakurle Txokoa- Ene baitan bizi da

Maddi Ane Txoperenaren Ene baitan bizi da lana izango dute hizpide Irakurle txokoan. Idazlea saioan izango da liburuaren nondik  norakoak azaltzen.

19:00

Bizipoza Lasarte-Oriatik Lesbosera elkartasun ekitaldia

Bizipoza Lasarte-Oriatik Lesbosera ekitaldia antolatu dute Bizi Poza elkartek eta herriko hainbat ergileek. Ikus-entzunezkoak –parte hartu duten eragileen jarduna azalduko dute bideoek; horietako bat, Miren Bardajik Lesbosetik bidalitakoa–; hitzezko azalpenak –eragileetako ordezkariek zuzenean esplikatuko dute zertan ari diren lanean–; eta kultur etxeko oholtza gaineko emanaldiak uztartuko dira, herriko zenbait artista profesionalek eskainiko dituztenak. Gonbidapenak Manuel Lekuona kultur etxean egongo dira eskuragarri abenduaren 9an, 17:00etatik 20:00etara, eta 10ean, 10:00etatik 13:00era eta 17:00etatik 20:00etara.