Udalak berriki irekitako prozesuaren harira, Lasarte-Oriako Mugimendu Feministako kideek ekarpena egingo diote Emakumeen Etxearen antolamendua eta funtzionamendua zehazteko kontsulta publikoari. Egindako irakurketa herritarrekin partekatzeko prentsaurrekoa egingo dute ostiralean, Okendo plazan, 19:00etatik aurrera. Atxikimendu sinadurak bilduko dituzte ondoren, prestatutakoa erakundeari "denen artean" helarazteko.