Adin tarteari dagokion distantzia egin dute lasterka dozenaka haurrek eta gazteek, dortsalek paparra apainduta zeudelarik. Ohi bezala, korrikalari helduek gidatu diete, ibilbidean zehar, eta azken metroak bakarrik egiteko tartea ere utzi diete.
Giro ederrean aritu dira; lehiarako tartea ere izan dute, helmugaratzean sprintatu baitute zeinbatek. Eskutik helduta ailegatu direnak ere izan dira. Senideek eta lagunek biziki animatu dituzte herriko gaztetxoak.
Urteroko legez, harrera beroa izan du Ostadar SKTk antolatutako 24. Korrika Festa, eta urteroko dinamikari jarraiki, argi dago Lasarte-Oriako Krosak, izan, baduela etorkizun luzea.