Hilaren 27an "bazkari erraldoia" egingo dute sorginek Okendo plazan. Jakinarazi dute salgai jarri dituztela txartelak Ilargi, Jalgi eta Tiburtzio Artizar tabernetan, 25 eurotan. Entsalada errusiarra, txahal masailak, postrea, kafea eta pattarra zerbitzatuko dituzte. Antolatzaileek jakinarazi dute aukera beganoak eta zeliakoak ere presta ditzaketela, hilaren 19a baino lehen abisatuz gero; horrelakorik nahi dutenek 689 92 15 19 telefono zenbakira idatzi behar dute.
Zehaztapen horiek emateaz gain aurreratu dute otordu girotua izango dela eta kantu jira egingo dutela txistulariekin. Egitarauari buruzko xehetasunak ostegun arratsaldean emango dituzte Okendo plazan, 19:00etatik aurrera.
Ver esta publicación en Instagram