Botoa emateko epea amaitutakoan, konpartsak eta Inauterietan parte hartu ohi duten gainerako eragileak bilera batera deituko ditu udalak, bildutako proposamenak aztertzeko. Astebete geroago bost finalista hautatuko dituzte eta bigarren faseari ekingo diote. Horretan, berriz ere iritzia emateko aukera izango dute lasarteoriatarrek, sarean edota lehen aipatutako postontzi horien bidez.
Udaletik herritar oro animatu dute datorren urteko Inauterietako gaia hautatzera. Ospakizunak otsailaren 12an hasiko dira.
