Ernai Lasarte-Oria eragilearen deiari erantzun eta Donostiako kaleak zeharkatu zituzten atzo dozenaka gazte herritarrek, 'Ekin eta bultza askatasunera' lelopean. "Euskal Herriaren independentziaren alde" lan egiten jarraitzeko gogoa eta konpromisoa erakutsi zituzten, duela 50 urte erregimen frankistak fusilatutako Juan Paredes Manot 'Txiki' eta Angel Otaegi gogoratzearekin batera.
