Sare hori ehuntzeko bitartekoa otsailaren 15ean Donostiako Kursaal aretoan egin zuten ekitaldian banatutako karpetak izango direla gogorarazi dute. Bertaratu ez ziren eta Buruntzaldean bizi diren herritarrek ere izango dute dokumentu hori jasotzeko aukera Hernaniko informazio gunera joanez gero. "Sare nazionala ehuntzeko auzolan erraldoi bat egingo genuela adierazi genuen: ahalik eta torturatu gehienen artean, ahalik eta modu zabalenean, hori pairatu behar izan zuen inor prozesutik kanpo ez geratzea nahi dugu".
ESKUALDEA
Torturatuak izan diren eskualdeko biztanleek informazioa jasotzeko gunea jarriko dute Hernanin
Euskal Herriko Torturatuen Sarea eragileak torturatuak izan diren pertsonak protagonista bilakatu eta isilaraziak izan diren milaka ahotsen bozgorailu izatea du helburu. Norabide horretan, talde horretako kideek jakinarazi dute informazio gune bat jarriko dutela Buruntzaldeko herritarren eskura astearte eta ostegunetan, Hernaniko Biteri Kultur Etxean, 19:00etatik 21:00etara. "Eskualdean tortura pairatu duen pertsona oro sarearen parte egin nahi dugu eta gunera joatera animatzen ditugu", adierazi dute.