Osasun zentroko zuzendaritzari bilera bat eskatuko dio LOOPA plataformak
Herritarrek osasun zentroan pairatzen dituzten mediku falta eta arreta eskasa salatzen jarraitzen aldera, osasungintza publikoaren aldeko LOOPA plataformak iragarri du bilkura bat eskatuko diela anbulategia kudeatzen dutenei; datorren asteartean eraikin horretara joan eta gutun bat entregatuko diete. Ekintza hori babesteko, aurretik elkarretaratze bat burutuko du Okendo plazan, 11:30ean. Parte hartzera animatu ditu lasarteoriatarrak.
