Hamabost kutxa bete pasta, hamahiru kaxa arroz, zortzi kutxa dilista, bost kaxa azukre, launa kutxa garbantzu eta konpresa eta hiru kaxa kontserba jaso zituzten Sahararekin Elkartasuna Lasarte-Oria eragilekoek. 10:00etatik 14:00etara aritu ziren Eroski eta BM Loidibarren supermerkatuetan lanean.
Sahararren aldeko 1.150 elkartasun kilo bildu dituzte Lasarte-Orian
Sahararekin Elkartasuna Lasarte-Oria taldeko kideak pozarren daude, egun bakarrean elikagai eta bestelako produktu batzuen 1.150 kilo bildu dituztelako gure herrian. Kutxetan sartu eta Andoaingo biltegira eraman zituzten joan den larunbatean, jasoketaren egunean bertan, antolatu eta Mendebaldeko Saharara bidaltzeko.
