Xixukoren bisitak ikastetxeetara
Mari Domingi eta Olentzeroren lagun kuttunetako batek, Xixuko ahateak, herriko ikastetxeak bisitatuko ditu 17an eta 18an, haurrek egindako marrazki politak jasotzeko.
Ikastaloa
Hurrengo egunean, eta 21eko San Tomas azokari begira, taloak egiten ikasteko ikastaro bat (Ikastaloa) egingo dute, Ttakunenea elkartean, bi txandatan: 17:00etatik 18:30era eta 18:30etik 20:00etara. Izena eman nahi dutenek kultura@ttakun.eus helbide elektronikora idatzi edo 695 78 53 89 telefono zenbakira deitu behar dute.
San Tomas azoka
Aurtengo feria goiz eta arratsaldekoa izango da. Antolatzaileek baserritar jantziak etxean ez uzteko nabarmendu dute. Hauxe da Ttakunek prestatu duen egitaraua:
|
12:00 / 14:30 |
Talo eta gaztaina postua |
|
12:00 / 13:00 |
Xumela korua eta Oaintxe in deu! txaranga |
|
13:00 / 14:00 |
Dantza saioa |
|
17:30 / 20:30 |
Txistorra postuak eta tonbola |
|
20:00 |
Udalaren eskutik, erromeria Bide Batez taldearekin |
Mari Domingi eta Olentzeroren etorrera
Hilaren 24an, goizean, herriko ikastetxeetako haurrak kantu eskean ibiliko dira erdigunean barrena eta 12:00etatik aurrera Mari Domingi eta Olentzero Merceron egongo dira. Arratsaldean, urteroko desfileaz gain, ikuskizuna egingo dugu Okendo plazan. Bertan izango dira Mari Domingi, Olentzero, Maritxu Teilatuko, Xixuko, Porrotx, Galtzagorriak, eta abar.
Egitarauarekin hasi aurretik, ohar garrantzitsu bat: Mari Domingi eta Olentzerorekin tartetxo bat igaro nahi duten haurren familiek txartelak hartu beharko dituzte Ttakunen bulegoan (Geltoki kalea 4, behea), hilaren 17tik 20ra, 09:00etatik 13:00etara edo 16:00etatik 18:00etara. 12:00etatik 14:00etara arteko txandak izango dira eta pertsonaia bakoitzarekin hamabina haur egongo dira gehienez aldi berean.
Hilaren 24ko egitaraua hau izango da:
| 11:00-12:00 | Herriko ikastetxeen kantu jira |
| 12:00 | Txokolatada |
| 13:00 | Herriko saltokiek emandako oparien zozketa, Okendon |
| 12:00-14:00 | Mari Domingi eta Olentzerori gutunak emateko txandak |
| 17:30-18:00 | Loidibarren pilotalekutik Okendora, desfilea |
| 18:00-18:30 | Mari Domingi, Olentzero eta lagunen ikuskizuna, Okendon |
