Aurten ere herriko haur eta gaztetxoek Gabonetan areto futbolaz gozatzeko aukera izango dute. Eguzki Areto Futbol taldeak Gabonetako VII. areto futbol txapelketa antolatuko du.
Neurketak hilaren 23tik urtarrilaren 4ra jokatuko dira eta benjamin, alebin eta infantil mailako taldeek parte hartu ahalko dute txapelketan.
Antolatzaileek jakitera eman dutenez, maila bakoitzeko zortzi talde izango dira.
Inskripzio orriak Goxokis Goxua dendan jaso behar dira eta taldeak inskribatzeko azken eguna hilaren 19a izango da.
Txapelketako zehaztasun gehiago jakiteko antolatzaileek 699 42 02 39 (Gorka) zenbakia edo eguzkiaretofutbola@outlook.com helbide elektronikoa jarri dituzte herriarren eskura.
